Griaseich beinand!
Maria, Sepp, Waste, Vroni und i ham uns letztens zammad ghogt und überlegt, wos ma mid da geplanten Versammlung maha soin. Durch de neuen Maßnahmen han mia in unserem Entschluss bestätigt woan, de Versammlung des Jahr ned stattfindn zu lossn..
De Gaujugendleiter und -vorplattlerversammlung 2020 is damit erst moi komplett obgsogt. Mia dengan aba, dass vor allem im Bereich der Probenarbeit in Pandemiezeiten doch einiges an Punkten gibt, de zum besprechen wären, so dass ma trotzdem gern an Austausch mit eich hättn. Mia planen grod für jeds Gebiet extra Treffen mit de Jugendleiter und mit de Vorplattler unter Einhaltung von am guadn Hygienekonzept zu am späteren Zeitpunkt. Wann des sei wead, losst si aktuell leider no ned song, mia han do natürlich an d'Entwicklung der Infektionszahlen gebunden.
A wenn ma uns ez ned so boid säng, han ma weiterhin fia eich do. Es deaffz jederzeit auf uns zuakema, wenns Themen gibt, de grod beschäftigen!
Bassts auf auf eich und bleibts gsund!
Barbara Sigl
1. Gaujugendleiterin
